autronicO Autronic-Club Ciclista Vigués, decano do ciclismo español, inicia os seus 40 tempada na categoría elite - sub 23 cun equipo de inicial de 14 corredores, aínda que aberta aínda a algunha incorporación máis. Na liña do que foron estas catro décadas, a formación viguesa, dirixida por Tomás Martínez, busca esencialmente a formación de novos valores e dar continuidade ao labor realizade nas categorías inferiores da entidade.

Da pasada campaña mantense o israelí Yoav Bear, Paulo González, Iván Sebastián, Alejandro Lomba, Ángel Lago e Javier Castrillón. As outros seis corredores son novos esta tempada, destacando especialmente as incorporacións do cántabro Javier Sardá, que xa se estreou co maillot do equipo a pasada fin de semana, e do mallorquino Toni Muntaner.

Únense tamén á disciplina do conxunto vigués os madrileños Javier Hernández e Marcos Romeiro, o portugués Rubén Veloso, dous ciclistas procedentes do equipo junior: Daniel González e Antonio Serrat e Andrés Camino, chegado tamén de categoría xuvenil, pero dende o C. C. Compostelano - Mobles Compostela. O cadro técnico complétano o fisioterapeuta Miguel Domínguez e o mecánico Miguel Ángel Domínguez.

Carlos Vidal non fala de celebración especiais nesta importante efemérides: "Non hai maior celebración no mundo do ciclismo que -despois de 39 campañas dun equipo no pelotón nacional e no medio dunha crise importante- dicir: 'Imos a pola corenta'. En si, iso é xa unha gran celebración", afirma o presidente do club, aínda que este ano nos invitaron a correr en Israel, pero por cuestións económicas tivemos que desestimala", comentou.

Para Tomás Martínez a base do equipo débena constituír "Yoav Bear, Sardá, Muntaner e Paulo González, aínda que tamén temos boas referencias dos dous ciclistas madrileños Hernández e Romeiro, e novas como Iván Sebastián e Alejandro Lomba deben dar un paso adiante tamén este ano e acabar de asentarse en la categoría. Temos ciclistas punteiros como os primeiros citados. Talvez nos falte algo de clase media, porque aos mozos hai que darlles certa marxe de tempo".

O director deportivo engadiu: "Non descartamos algún reforzo máis, pero nas últimas tempadas, coa crise, o calendario reduciuse considerablemente e se o equipo é moi amplo, moitos quedarán sen correr, e iso non é bo nin para o ciclista nin para o equipo. Con licenza, aínda que sen entrar de momento, na disciplina do equipo están tamén Manuel García e Sergio Aurel Álvarez.

O Autronic-C. C. Vigués ten previsto realizar unha concentración o fin de semana do 8 e 9 de marzo, para abrir a tempada o 15 e o 16 no Trofeo Concello de Zamora e no Trofeo Iberdrola.

 Plantilla (39.12 kB)